کینو کا چھلکا عام طور پر لوگ پھینک دیتے ہیں، لیکن حقیقت میں یہ ایک خزانہ ہے جو خوبصورتی اور صحت دونوں کے لیے بے شمار فوائد رکھتا ہے۔ اس کا پاؤڈر نہ صرف آسانی سے گھر میں تیار کیا جاسکتا ہے بلکہ اسے سارے سال استعمال کیا جا سکتا ہے۔ آئیے جانتے ہیں کینو کے چھلکے کے حیرت انگیز استعمالات:
🍊 کینو کے چھلکے کا پاؤڈر کیسے بنائیں؟
کینو کھانے کے بعد اس کے چھلکے دھوپ میں اچھی طرح خشک کرلیں یہاں تک کہ بالکل سخت ہوجائیں۔ پھر انہیں گرینڈ کرکے باریک پاؤڈر بنالیں اور بوتل میں محفوظ کرلیں۔
🍊 رنگ گورا کرنے کے لیے
کینو کے چھلکے کا پاؤڈر دہی میں ملا کر چہرے پر لگائیں۔ یہ قدرتی بلیچنگ ایجنٹ ہے جو جلد کی چکنائی کم کرتا ہے، رنگت نکھارتا ہے اور داغ دھبے کم کرتا ہے۔
🍊 چکنی جلد کا علاج
چھلکے کے پاؤڈر میں انڈے کی سفیدی اور چند قطرے لیموں کا رس ملائیں۔ یہ ماسک مسام بند کرکے چکنی جلد، دانوں اور داغ دھبوں کو دور کرتا ہے۔
🍊 دانے ختم کرنے کے لیے
پاؤڈر کو پانی میں ملا کر پیسٹ بنا لیں اور چہرے پر لگائیں۔ یہ جلد کی گہرائی تک صفائی کرتا ہے اور دانے ختم کرنے کے ساتھ چکنائی بھی کم کرتا ہے۔
🍊 کیل مہاسے دور کرنے کے لیے
دہی اور کینو کے چھلکے کا پاؤڈر ملا کر پیسٹ بنائیں۔ چہرے پر لگانے سے بغیر درد کے کیل ختم ہوجاتے ہیں اور چہرہ صاف و شفاف دکھائی دیتا ہے۔
🍊 چہرے کو تروتازہ رکھنے کے لیے
چھلکے کا پاؤڈر اور دودھ برابر مقدار میں ملا کر فیس ماسک بنائیں۔ 20 منٹ لگانے کے بعد دھولیں۔ جلد تروتازہ اور نرم و ملائم ہو جائے گی۔
🍊 دانتوں کو سفید کرنے کے لیے
کینو کے چھلکے کا پاؤڈر دانتوں سے پیلے دھبے ہٹا کر انہیں قدرتی طور پر سفید کرتا ہے۔ باقاعدہ استعمال سے مسکراہٹ نکھر جاتی ہے۔
🍊 بڑھتی عمر کے اثرات کم کرنے کے لیے
چھلکے کے پاؤڈر میں ہلدی اور پانی ملا کر لگانے سے جھریاں اور بڑھتی عمر کے اثرات کم ہوتے ہیں اور جلد صاف و شفاف رہتی ہے۔
🍊 جسمانی سوزش اور تھکاوٹ کے لیے
چھلکے کا استعمال کسی کیڑے کے کاٹنے یا سوزش پر مفید ہے۔ اسی طرح نہاتے وقت پانی میں چھلکے ڈالنے سے ان کی خوشبو جسمانی تھکن کو دور کرکے ذہنی سکون اور تازگی فراہم کرتی ہے۔
یہ سادہ سا چھلکا حقیقت میں ایک قدرتی بیوٹی اور ہیلتھ بوسٹر ہے جو گھر میں باآسانی استعمال کیا جا سکتا ہے۔ 🌿✨
03184834021
03704007258
Post a Comment